1 Iwe, lon eu rän Samson a feitiu Timna, nge ikenan a küna eman lein ekewe föpwülün Filistia. 2 Mürin a liwinla o üreni saman me inan, “Üa küna eman ekewe föpwülün Filistia me lon Timna. Iei oupwe tüngor ngeniei neminewe pwe üpwe pwülüeni.” 3 Nge saman me inan ra üreni, “Ifa usun, esap wor eman fefin me lein ekewe föpwül nöün märärum ika lein aramasach meinisin, ina kopwe feila o angei eman pwülüom seni ekewe chon Filistia resap sirkomsais?” Nge Samson a üreni saman, “Kopwe tüngor ngeniei neminewe, pun üa fokun sani.”

4 Iwe, saman me inan resap silei pwe ei ekiek a feito seni ewe Samol mi Lapalap, pun a kütta och popun an epwe maun ngeni ekewe chon Filistia. Lon ena fansoun ekewe chon Filistia ra nemeni Israel.

5 Mürin, Samson a etatiu saman me inan lon Timna. Nge lupwen a tori ekewe tanipin wain me lon Timna, eman nienifön laion a müttir feito o wörüwör ngeni. 6 Iwe, Ngünün ewe Samol mi Lapalap a feitiu won Samson o apöchöküla, pwe a pwilifeseni ewe laion usun eman a pwili eman apanen kuuch, nge esap wor och lepöün. Nge Samson esap apworausa ngeni saman ika inan mine a föri. 7 Mürin, Samson a feitiu o kapas ngeni ewe fefin, nge a fokun sani neminewe. 8 Iwe, mürin ekoch fansoun, Samson a liwiniti neminewe pwe epwe apwüpwülü ngeni. Lupwen an fetal a rikiwu seni ewe al pwe epwe katol chün ewe laion a niela. Nge nengeni, a wor epwi chunen lon chün, pwal chönün chunen. 9 Iwe, Samson a tukei ewe chönün chunen o ünümi nge fefetal. A pwal tori saman me inan o ngeniir och seni. Iwe, ra ün, nge Samson esap apworausa ngeniir pwe a angei ewe chönün chunen seni chün ewe laion.

10 Mürin, semen Samson a feitiu ren ewe fefin, nge Samson a föri eu kametip ikenan, pun iei mine ekewe alüal ra föri. 11 Lupwen ekewe aramas ra küna Samson, ra emwenato ilik chienan pwe repwe nom ren. 12 Iwe, Samson a üreniir, “Iei üpwe eäni ngenikemi eu asisil. Are oua tongeni pwäri ngeniei wewen mwen an epwe wes ekewe fisu ränin kametip, üpwe ngenikemi ilik üf mi pwechepwech, pwal ilik üföüfen kametip. 13 Nge are ousap tongeni pwäri ngeniei wewen, mürin ämi oupwe ngeniei ilik üf mi pwechepwech me ilik üföüfen kametip.” Iwe, ra üreni Samson, “Kopwe apasa ngenikem om asisil pwe aipwe rongorong.” 14 Samson a üreniir,

15 Nge lon arüanün rän ra üreni pwülüen Samson, “Kopwe echimwa pwülüom na pwe epwe pwäri ngenikem wewen ewe asisil. Nge are kosap, äm aipwe kenikemi me chon leimwen semom. Ifa usun, oua titi äm pwe aipwe feito ikei, pwe oupwe awöüngauakem?” 16 Iei mine pwülüen Samson a kechü ngeni o üreni, “Ka chök oput ngang, kosap tongeei. Ka eäni eu asisil ngeni chon fanüei, nge kosap pwäri ngeniei wewen.” Samson a üreni neminewe, “Nengeni, üsap mwo nge pwäri ngeni semei ika inei. Pwota üpwe pwäri ngonuk?” 17 Iwe, neminewe a kechü ngeni Samson lon ükükün ekewe fisu ränin kametip. Nge lon ewe afisuen rän, Samson a pwäri ngeni wewen, pun neminewe a fokun echimwa. Mürin, neminewe a apworausa wewen ewe asisil ngeni chon fanüan kewe. 18 Nge lon ewe afisuen rän mwen akkar a tuputiu, ekewe mwänin ewe telinimw ra üreni Samson,